Fe fydd Canolfan Delme Thomas yn agor y drysau i gefnogwyr y Scarlets wythnos nesaf ar gyfer lansiad y cit newydd ar gyfer tymor 2011-12. Mae digwyddiad eleni yn addo bod yn fwy na lansiad llynedd ac fe fydd A3 yn dawnsio ar y llwyfan perfformio.

Tri brawd o Abertawe yw A3 a ymddangosodd am y tro cyntaf ar Britain's Got Talent 2010 gan orffen yn y pumed safle.

Ers perfformio i'r beirniaid mae A3 wedi mynd ymlaen i weithio ar y cyd a rai o ser y byd pop gan gynnwys Jedward, Diversity, Jermaine Jackson a llawer mwy.

Croesawyd A3 i Barc y Scarlets am y tro cyntaf ym mis Tachwedd 2010 ar gyfer y Sioe Tan Gwyllt ynghyd a Marlon McKenzie a Lloyd Daniels.

Maent yn perfformio ar hyn o bryd ar Daith Streetfest gyda SixD, a berfformiodd yn Mwynha 2011.

Gallwch ddod o hyd i A3 ar:

www.twitter.com/A3Forreal

Lansiad Cit y Scarlets, Mercher 24ain Awst, Canolfan Delme Thomas Parc y Scarlets, mynediad am ddim. Drysau'n agor am 7pm.