Fel chwaraewr saith bob ochr profiadol mae Tipuna wedi chwarae i dim Saith Bob Ochr Seland Newydd, tim sy'n cael ei weld fel tim saith bob ochr gorau'r byd, ac mae ganddo brofiad rhyngwladol gyda tim Maori Seland Newydd. Mae hefyd wedi chwarae gyda Bay of Plenty a Wellington.

Gyda dau fewnwr ifanc y Scarlets, Gareth Davies ac Aled Davies, yn absennol oherwydd anafiadau a Tavis Knoyle ar ddyletswydd rhyngwladol yng ngharfan Cymru yn y Cwpan Byd mae'r chwaraewr newydd yn ychwanegiad pwysig cyn dechrau'r tymor.

Mae'n ymuno, yn y lle cyntaf, ar gytundeb tymor byr gyda'r opsiwn o ymestyn ei gyfnod gyda'r rhanbarth. Dyma'i gytundeb cyntaf yn rygbi o'r lefel uchaf yn Ewrop ac fe gyrhaeddodd Tipuna yn Llanelli am y tro cyntaf heddiw.

Mae Tipuna yn adnabod y cyn Scarlet Regan King (sydd gyda Clermont erbyn hyn) a Deacon manu sydd wedi chwarae dros Maori's Seland Newydd. Dywedodd: "Mae pawb yn gwybod beth yw ystyr rygbi i'r Scarlets a'r cefnogwyr ac mae'n rhwydd gweld yr elfen gymunedol yma - mae'n debyg iawn i adref.

"Rwy'n edrych ymlaen i'r tymor, mae'n brofiad newydd i mi ac mae'n braf cael dechrau newydd. Rwy'n edrych ymlaen i gael cyfle i chwarae yn yr Eidal, Iwerddon a Ffrainc ac rwy'n gobeithio cael y cyfle i weld hen ffrindiau sydd wedi ymgartrefu yn Ewrop erbyn hyn."

Cred Tipuna y bydd fordd o chwarae'r Scarlets yn gweddu i'w ffordd ef o chwarae. Dywedodd: "Mae chwarae rygbi saith bob ochr i Seland Newydd yn waith caled - maent yn credu'n gryf mewn ffitrwydd a hyfforddi. Rwy'n hoff iawn o gem cyflym - mae gennyf gem gicio cryf hefyd."

Dywedodd Nigel Davies, Prif Hyfforddwr y Scarlets: "Mae ychwanegu chwaraewr profiadol fel Ruki i'n carfan ni yn holl bwysig i rhoi hwb i'r garfan ar hyn o bryd. Mae gennym broblem anafiadau yn safle'r mewnwr ar hyn o bryd ac mae'n bwysig gweld y chwaraewyr ifanc yma'n dychwelyd i'r gem yn holliach.

"Ry'n ni'n gefnogol iawn o ddatblygiad ein chwaraewyr ac fe fydd Ruki yn siwr o gynorthwyo gem y chwaraewyr ifanc yn yn enwedig chwaraewyr fel Aled Davies, Rhodri Williams a Gareth Davies."

Aeth Davies ymlaen i ddweud bod y mewnwr 18 oed, Rhodri Williams wedi dangos talent arbennig yn ystod y sesiynau hyfforddi cynnar a'r ddwy gem gyfeillgar.

Dywedodd Davies: "Mae Ruki yn chwaraewr cryf ac mae'n eitha lleisiol hefyd a dyna'n union sydd angen i rhoi hwb i linell gefn gymharol ifanc.

"Fe fydd ei ffordd o chwarae yn gweddu i'n gem ni ac mae ganddo'r talent i chwarae yn safle'r maswr hefyd. "

Ychwanegodd Davies y byddai'r Scarlets yn gobeithio ychwanegu nifer o chwaraewyr Cymraeg ar gytundebau datblygu dros yr wythnosau nesaf - yn dilyn perfformiadai da yn y gemau cyfeillgar.