Aeth chwaraewyr y Scarlets ati i helpu swyddogion cymunedol i ddosbarthu pecynnau nwyddau arbennig i’r ysgolion, oedd yn cynnwys, posteri o’r garfan, baneri’r Scarlets a talebion tocynnau.

Y chwaraewyr a aeth i ddosbarthu’r pecynnau oedd Mark Jones, Dafydd Jones, Rhys Thomas, Tavis Knoyle, Vernon Cooper, Aaron Shingler a Ben Morgan. Roedd yr ymweliad yn rhan o ymgyrch newydd y rhanbarth i annog pobl i Ddangos eu Lliw.

Treuliwyd peth amser yn yr ysgol yn trafod gyda staff, ymweld â dosbarthiadau ac yn arwyddo posteri.

Mae’r rhanbarth yn gofyn i ysgolion ‘Ddangos eu Lliw’ wrth arddangos baner y Scarlets tu allan i’r ysgol neu yn y dderbynfa. Gofynnir i ysgolion sy’n arddangos y baneri i anfon llun at y Scarlets a fydd wedyn yn rhan o gystadleuaeth i ennill gwobrau arbennig fel tocynnau i’r ysgol, sesiynau sgiliau ac ymweliad gan chwaraewyr!

Gofynnir i ddisgyblion sy’n derbyn y posteri i’w arddangos yn ffenestri eu tai er mwyn cael y cyfle i ennill gwobrau hefyd.

Fe fydd y Swyddogion Cymunedol a Chwaraewyr yn brysur iawn draws yr wythnosau nesa’ yn ymweld ag ysgolion ar draws y sir i ddosbarthu’r pecynnau arbennig.

Am wybodaeth pellach cysylltwch a’r tîm cymunedol ar community@scarlets.co.uk neu 01554 783927 / 783934