Er bod y tywydd gwael yn ddiweddar wedi golygu gohirio sawl gêm yn yr wythnosau diwetha, roedd y ddau dîm wedi sicrhau eu lle yn y ffeinal yn barod - gan golli un gêm yn unig rhyngddyn nhw ers dechrau'r bencampwriaeth ym mis Awst.

Collodd y Scarlets 18-6 i'r Gleision ym mis Medi, ond fe wnaethon nhw ennill chwe gem allan o saith yn ei gr?p. Roedd y buddugoliaethau yn erbyn Gogledd Cymru adre ac yn y Gogledd yn rhai trawiadol a gellid dadlau mai'r fuddugoliaeth yn erbyn y Gweilch, 22-16, oedd perfformiad mwyaf cyflawn y tîm y tymor hwn.

Y Gleision, wedi iddyn nhw ddechrau ei ymgyrch gyda'r fuddugoliaeth yn erbyn y Scarlets, yw'r unig dîm diguro yn y gystadleuaeth. Dan arweiniad ei maswr arbennig, Joseff Griffin, fe enillon nhw chwe gem o'r bron gan gynnwys buddugoliaeth cartre o 65-0 yn erbyn Gogledd Cymru a buddugoliaeth 65-0 oddi cartre yng Ngogledd Cymru.

Ac wedi buddugoliaethau nodedig mewn gemau cyfeillgar yn Iwerddon a Lloegr, mae'n si?r bod rhanbarth y brifddinas yn ffyddiog iawn o gael seithfed fuddugoliaeth o'r bron ar ddiwedd yr hyn sydd wedi bode yn dymor rhagorol arall o rygbi gradd oed yng Nghymru.

Ond mae'r Scarlets, sydd wedi hawlio'r stafell newid cartre ar gyfer gem fory, yn awyddus iawn i adeiladu ar ei llwyddiant diweddar yn erbyn y Dreigiau a'r Gweilch.

Yn ôl rheolwr tîm y Scarlets, Rob Evans; "Oherwydd natur gystadleuol y gêm rhwng y ddau dîm yn gynharach eleni, gallwn fod yn sicr o ffeinal o safon fory.

"Mae'n amlwg bod y tywydd gwael wedi golygu gohirio sawl gem, ond rwy'n siwr y bydd y ddau ochr n barod am yr hyn sy'n addo i fod yn gystadleuaeth grêt!"

Ymhlith y chwaraewyr y Scarlets y dylid cadw llygaid arnyn nhw mae Luke Hamilton, Luke Williams, Aled Davies, Curtis Morris a Tomos Ellis Williams, pob un ohonyn nhw wedi croesi'r llinell gais y tymor hwn. I'r Gleision, ymhlith y chwaraewyr allweddol mae Owen Sheppeard, Sam Campbell, Harry Robinson a'r prif sgoriwr Griffin.