Yn dilyn y gêm ddarbi tanbaid hwnnw, fe fydd Parc y Scarlets wedyn yn dangos gêm agoriadol Pencampwriaeth y Chwe Gwlad rhwng Lloegr a Chymru ar sgriniau o amgylch y stadiwm. Fe fydd yn cael ei ddangos ae sgriniau mawr yn y ganolfan hyfforddi dan-do ‘Canolfan Delme Thomas’.

Mae’r canolfan dan-do ym Mharc y Scarlets wedi bod yn boblogaidd iawn yn ystod y tymor gyda chefnogwyr cartre’ ac oddi cartre’ ar ddiwrnod gêm.

Mae’r canolfan hyfforddi 70 x 40m yn cael ei drawsnewid ar gyfer cefnogwyr gyda mochyn rhost, bar, lluniaeth, cerddoriaeth ac adloniant, inflatables i blant a sesiynau sgiliau rygbi yn ogystal â gardd gwrw i’r teulu.

Mae’r adloniant yn rhad ac ddim i bawb sydd a thocyn i gêm y Scarlets.

Fe fydd y prynhawn llawn rygbi prynhawn yma yn siwr o gyffroi unrhyw gefnogwr brwd ac fe fydd yn ddiwrnod arbennig i’r teulu oll sydd am gefnogi’r Scarlets a Chymru yn yr un prynhawn.

I gofnodi cefnogaeth menywod i’r Scarlets yn ddiweddar fe fydd y rhanbarth yn cynnal Diwrnod i’r Menywod ar ddydd Sadwrn. Fe fydd y Scarlets yn cynnig cyfle i grwpiau o fenywod fwynhau coctels cyn y gêm mewn lolfa lletygarwch, pryd o fwyd a ffynnon siocled ac ymddangosiad gan rhai o chwaraewyr y Scarlets.

Dywedodd Julie David, Rheolwr Marchnata a Lletygarwch y Scarlets: “Rydym yn paratoi ar gyfer diwrnod gêm arbennig ym Mharc y Scarlets, gyda dau gêm o rygbi i’r cefnogwyr fwynhau yn y stadiwm.

“Rydym yn gobeithio gweld torf dda yma i gefnogi’r Scarlets wrth iddynt geisio sicrhau buddugoliaeth dros Gleision Caerdydd a sicrhau lle yn rownd cyn derfynol Cwpan LV= yn dilyn buddugoliaeth dros y Wasps dros y penwythnos. Gyda Lloegr v Cymru ar sgriniau o amgylch y stadiwm – fe fydd yn brynhawn i’w gofio!

“I ni yn awyddus iawn i sicrhau bod dydd Sadwrn yn ddiwrnod a hanner, ac yn ddiwrnod rygbi i bawb o bob oed.”