Mae’r chwaraewr deunaw oed wedi denu sylw y tymor hwn gyda naw cais ym mhob cystadleuaeth, gan gynnwys chwech yn y pedwar gêm diwethaf, a tair pwynt ar ddeg gyda’i droed.

Dewisir yr enillydd gan brif hyfforddwyr Cynghrair Principality, URC a staff academi rhanbarthol a newyddiadurwyr amrywiol. Mae’r enillydd yn debryn gwobr o £100 gan Gymdeithas Adeiladu Principality, prif noddwyr y gystadleuaeth.

Dywedodd, "Rydym wedi dechrau rhoi pethau at ei gilydd fel tim yn Llanelli. Cyn y Nadolig, roeddem yn colli gemau o bwynt neu ddau ond rydym wedi dechrau ennill yn ddiweddar. Mae hyn wedi rhoi hw bi ni ac wedi magu hyder ymysg y tim. Mae’r hwb yma wedi rhoi hyder i fi yn bersonol i fod ychydig bach yn fwy uchelgeisiol.

"Y nod i fi nawr yw i sicrhau fy mod yn parhau i chwarae’n dda. Rwy’n rhan o garfan Cymru Dan 20 ac fe fyddwn wrth fy modd yn rhoi tro ar rygbi ar y lefel yna, ac yn amlwg yn bellach i’r dyfodol y nod yw i chwarae rygbi rhanbarthol. Cyn i’r tymor ddechrau roeddwn yn hyfforddi gyda’r chwaraewyr h?n ac roedd hynny’n brofiad arbennig, fe ddysgais lot."

Dywedodd Pennaeth Rygbi Llanelli, Anthony Buchanan, "Mae Dale yn chwaraewr talentog iawn sydd wedi datblygu trwy system academi’r Scarlets, mae e’ wedi gweddu’n dda i rygbi h?n. Mae Dale yn llawn haeddu’r wobr yma ac rwy’n siwr y bydd e’n dalent i’r dyfodol.

"Mae’r tymor hwn wedi bod yn her i Glwb Rygbi Llanelli ond fe fyddwn ni’n parhau i dderbyn y sialensau yna a gobeithio fe fyddwn ni’n parhau i ddatblygu a gwella i’r dyfodol. Mae Dale wedi chwarae rhan anferth yn ein safle ni yn y gynghrair."

Roedd Lucy Richards yng nghangen Llanelli o’r Principality yn falch iawn o gyflwyno’r wobr i Dale a dywedodd: "Rydym yn hynod o falch bod y wobr wedi mynd at un o dalentau ifanc yr ardal ac roedd yn bleser cael Dale yma a’i gyfarfod. Mae’r gystadleuaeth yn tynhau yn y Gynghrair o flwyddyn i flwyddyn. Rydym yn dymuno pob lwc i’r tim wrth i’r tymor fynd yn ei flaen."

Fe ddechreuodd Ford chwarae rygbi i dim ieuenctid Clwb Rygbi Trimsaran a symudodd ymlaen i Borth Tywyn lle chwaraeodd rygbi ieuenctid. Mae wedi bod yn aelod o academi’r Scarlets ers dwy flynedd ac mae’n astudio chwaraeon a ffitrwydd yng Ngholeg Sir Gar.