Ar yr ail benwythnos (penwythnos 10fed Medi) fe fydd Parc y Scarlets yn llwyfannu gêm gartref agoriadol y tymor yn erbyn y rhanbath Gwyddelig Connacht cyn croesawu'r ail dim Eidalaidd Aironi i'r stadiwm (penwythnos 17eg Medi). Yn cloi mis prysur o rygbi ar ddiwedd y mis bydd gêm oddi cartref yn erbyn y Dreigiau yn Rodney Parade.

Ar benwythnos cyntaf mis Hydref fe fydd y Gweilch yn teithio i Barc y Scarlets ar gyfer gêm ddarbi gyntaf y stadiwm. Fe fydd y Scarlets yn teithio i Gaerdydd i wynebu'r Gleision yng nghanol y mis cyn croesawu Rhyfelwyr Glasgow i Barc y Scarlets ar ddiwedd y mis.

Ym mis Tachwedd caiff cefnogwyr y Scarlets gyfle i deithio i'r Eidal i wynebu Aironi yn Stadio Zaffanella ar ddiwedd y mis. Daw gemau 2010 i ben gyda gêm ddarbi ym Mharc y Scarlets yn erbyn y Dreigiau.

Fe fydd tymor arferol Cynghrair Magners yn dod i ben gyda gêm ddarbi cartref yn erbyn Gleision Caerdydd ar benwythnos 6ed Mai cyn y rownd cyn derfynol y penwythnos wedyn a'r rownd derfynol ar ddydd Sadwrn 28ain Mai.

Dyddiadau penwythnosau sydd wedi eu cyhoeddi ar hyn o bryd. Fe fydd dyddiadau penodol ac amserau'r gemau'n cael eu cyhoeddi wedi trafodaethau gyda phartneriaid darlledu Cynghrair Magners.

Y partneriaid teledu ar gyfer 2010/11 fydd BBC ALBA (Yr Alban), BBC Gogledd Iwerddon, RTE a TG4 (Iwerddon), yn ogystal a BBC Cymru ac S4C.

Fe fydd y rhestr gemau ar www.scarlets.co.uk yn cael ei ddiweddaru cyn bo hir.